Magne B6 vital

MAGNE B6 VITAL

O‘zMSt 166-2024

Tavsifi

Magne B6 Vital — magniyning faol miqdorini o‘z ichiga olgan biologik faol oziq-ovqat qo‘shimchasi bo‘lib, organizmdagi magniy tanqisligini to‘ldirish, asab tizimini qo‘llab-quvvatlash va energiya almashinuvini yaxshilash uchun mo‘ljallangan.

Tarkibi (1 tabletkada)

• Magniy sitrati — 220 mg
• Magniy laktati — 250 mg
• Vitamin B6 — 5 mg
• Inulin — 100 mg
• Kraxmal — yetarli miqdorda
• Mikrokristallik sellyuloza (MKS) — yetarli miqdorda
• Saxaroza — yetarli miqdorda
• Kalsiy stearati — yetarli miqdorda

Xususiyatlari

Magniy (sitrat va laktat shaklida)
Yuqori biologik o‘zlashtirilish darajasiga ega bo‘lib, organizm tomonidan yaxshi so‘riladi. Mushaklarni bo‘shashtirishga, stressga chidamlilikni oshirishga va yurak-qon tomir tizimining normal faoliyatini qo‘llab-quvvatlashga yordam beradi.

Vitamin B6
Magniyning hujayralarga kirishini osonlashtiradi va asab hujayralarining tiklanish jarayonlarida faol ishtirok etadi.

Inulin
Tabiiy prebiotik hisoblanadi. Ichak mikroflorasini yaxshilaydi va magniy hamda kalsiy kabi minerallarning ichakda so‘rilishini sezilarli darajada oshiradi.

Qo‘llash uchun ko‘rsatmalar

Quyidagi holatlarda biologik faol moddalar manbai sifatida tavsiya etiladi:

• Asabiylik va ortiqcha qo‘zg‘aluvchanlik
• Xavotir va stress holatlari
• Uyqu buzilishlari (uyqusizlik, yuzaki uyqu)
• Surunkali charchoq va tez toliqish
• Mushak spazmlari va tirishishlar
• Mushak og‘riqlari
• Magniy tanqisligi bilan bog‘liq yurak urishining tezlashishi

Qo‘llash usuli va dozasi

Kattalarga ovqat vaqtida yoki ovqatdan keyin yetarli miqdorda suv bilan kuniga 2–3 marta 1 tabletkadan qabul qilish tavsiya etiladi.

Qabul qilish muddati: 1 oy.

Zarurat bo‘lsa, kurs takrorlanishi mumkin.

Qarshi ko‘rsatmalar

• Mahsulot tarkibiy qismlariga individual sezuvchanlik
• Og‘ir buyrak yetishmovchiligi
• 6 yoshgacha bo‘lgan bolalar

Maxsus ko‘rsatmalar

Homiladorlik va emizish davrida qo‘llashdan oldin mutaxassis bilan maslahatlashish tavsiya etiladi.

Saqlash sharoiti

25°C dan yuqori bo‘lmagan haroratda, namligi 70% dan oshmaydigan quruq joyda va bolalar ololmaydigan joyda saqlansin.

Chiqarilish shakli

30 yoki 60 tabletkadan polietilen flakonlarda yoki blisterlarda, qo‘llash bo‘yicha yo‘riqnoma bilan birga karton qutiga joylangan holda chiqariladi.

Retseptsiz beriladi.

Mahsulot sertifikatlangan.

Yaroqlilik muddati

24 oy.

Ishlab chiqaruvchi

«VITALLY» XK

Toshkent shahri, Yangi Toshkent tumani, Sofdil ko‘chasi, 45-uy