BAD CELL-FOR Granula 100 g, immunitetni oshiradi va mushaklarni mustahkamlaydi kapsula

Savdo belgisi:

Cell-For®

Chiqarilish shakli:

Granula, 100 g flakonda. Mahsulot “Halol” sertifikatiga ega.

Tarkibi:

Har bir dozator qoshiq (2,5 g) tarkibida:

• Kaltsiy glitserofosfat – 400 mg

• Vitamin B6 – 1,5 mg

• Vitamin D3 – 10 mkg (400 XB)

• Vitamin C – 40 mg
  Yordamchi moddalar: kraxmal, shakar.

Farmako-terapevtik guruhi:

Kaltsiy va fosfor almashinuvi regulyatori + vitaminlar.

Farmakologik ta’siri:

Cell-For® – bu kaltsiy-fosfor almashinuvi regulyatori bo‘lib, uning ta’siri faol moddalarning birgalikdagi harakati bilan bog‘liq.

Kaltsiy glitserofosfat — kaltsiy va fosfor yetishmovchiligini bartaraf etadi, suyak to‘qimalarini mustahkamlaydi, nerv impulslarini uzatish, mushaklarning qisqarishi, qon ivishi va yurak faoliyatida ishtirok etadi.

Vitamin B6 (piridoksin) — nerv tizimi faoliyatini qo‘llab-quvvatlaydi, kaltsiyning so‘rilishini yaxshilaydi.

Vitamin D3 — kaltsiy va fosfatlarning ichak orqali so‘rilishini kuchaytiradi, suyak va tishlarning shakllanishida, suyak mineralizatsiyasida muhim rol o‘ynaydi.

Vitamin C (askorbin kislotasi) — oksidlanish-qaytarilish jarayonlarini boshqaradi, immunitetni mustahkamlaydi, kollagen va gormonlar sintezida ishtirok etadi.

Farmakokinetikasi:

Og‘iz orqali qabul qilinganda 12 barmoq ichak va ingichka ichak orqali yaxshi so‘riladi. Qondagi kaltsiyning 50% ionlangan, 45% oqsil bilan bog‘langan shaklda bo‘ladi. Buyraklar (20%) va ichaklar (80%) orqali chiqariladi.

Qo‘llashga ko‘rsatmalar:

• Gipokalsemiya

• Immunitetning pasayishi, asabiy charchoq, to‘yib ovqatlanmaslik

• Raxitni oldini olish va davolash

• Osteoporoz va osteomalatsiya holatlarida

• Suyak va biriktiruvchi to‘qima distrofiyasi

Qo‘llash tartibi:

Ovqatdan keyin 2,5 g (1 dozator qoshiq) granula 0,5 stakan iliq suvda eritib ichiladi.

Qo‘llashga qarshi ko‘rsatmalar:

Preparat tarkibiga allergiya, giperkalsemiya, og‘ir giperkaltsiuriya, tromboz, buyrak yetishmovchiligi, 12 yoshgacha bo‘lgan bolalarda qo‘llash tavsiya etilmaydi.

Nojo‘ya ta’sirlari:

Kam hollarda – ko‘ngil aynishi, qorin og‘rishi, allergik reaksiyalar.

Berilish tartibi:

Retseptsiz beriladi. Dori vositasi emas.

Ishlab chiqaruvchi:

MCHJ “Bio Time” — “Neo Group Style” kompaniyasi uchun eksklyuziv.