Gepatoprotektiv kombinatsiyalangan preparat Gepolin

Gepolin

Tarkibi:
Essensial fosfolipidlar (fosfatidilxolin saqlovchi) — 300 mg
Rastoropsha ekstrakti (silibinin/silimarin) — 140 mg
E vitamini — 36 mg
B1 vitamini — 4 mg
B2 vitamini — 4 mg
B6 vitamini — 4 mg
B12 vitamini — 12 mkg
Nikotinamid — 12 mg

Tavsifi
Gepolin — essensial fosfolipidlar, silimarin, B guruhi vitaminlari va E vitamini saqlovchi kombinatsiyalangan gepatoprotektor preparat. Jigar funksiyasini qo‘llab-quvvatlash, modda almashinuv jarayonlarini yaxshilash va jigarning zararli ta’sirlarga chidamliligini oshirish uchun mo‘ljallangan.

Fosfolipidlar gepatotsit hujayra membranalarini tiklashga yordam beradi. Silimarin antioksidant va gepatoprotektor ta’sir ko‘rsatadi. B guruhi vitaminlari metabolik jarayonlarda muhim rol o‘ynaydi.

Farmakoterapevtik guruhi
Gepatoprotektor.

Qo‘llash uchun ko‘rsatmalar
Quyidagi holatlarda gepatoprotektor vosita sifatida qo‘llanadi:
– Turli etiologiyali surunkali gepatitlar
– Jigarning toksik shikastlanishlari (alkogol, dori vositalari, sanoat zaharlanishlari)
– Jigarning yog‘li distrofiyasi
– Jigar sirrozi (kompleks davolash tarkibida)

Qo‘llash usuli va dozasi
Tavsiya etilgan doza: kuniga 2–3 marta ovqat vaqtida 1 kapsuladan.
Qabul qilish muddati — 1–3 oy. Zarurat bo‘lsa, shifokor tavsiyasiga ko‘ra uzaytirilishi mumkin.

Nojo‘ya ta’sirlari
Kam hollarda quyidagilar kuzatilishi mumkin:
– Dispeptik holatlar (ko‘ngil aynishi, qusish, diareya)
– Allergik reaksiyalar (teri toshmasi, qichishish, eshakemi)

Qo‘llash mumkin bo‘lmagan holatlar
– Preparat tarkibiy qismlariga individual sezuvchanlik
– 12 yoshgacha bo‘lgan bolalar
– Homiladorlik va emizish davri